ســـاعـــة فــراق

لو هي بودي .. ياغناتي ماخليك
مير القدر .. خالف وعاكس لودي
حكم القدر بعثر حياتي .. وأنابيك
خيره عسى .. دام القدر قام .. ضدي
غصب(ن) علي أرضى .. واترك أراضيك
والله يعين القلب .. من جور مدي
تعبت من فرقى .. تِذكر طواريك
فرقى شريفه .. جعلها في مردي
حتى وأنا مبعد .. منسى خطاويك
شفني بعد فرقاك حالي امتردي
إلىِ متى من دون تفكير أناديك
أحسبك عندي .. وأنته منته بعندي
أنادي باسمك .. واتلمس أياديك
ولاحد(ن) يجاوب غير دمع(ن) يهدي
لقياك ( جنه ) .. زينتها حكاويك
وفرقاك ( نار(ن) ) .. تشتعل في مصدي
بودعك شفني .. على كثر ماغليك
وعلىَ كثر ماغليك .. ماهي بيدي
غصب(ن) علي أرضى بقدري واخليك
خيره عسى .. دام القدر قام .. ضدي


**تحياتي**